پشاور(این این آئی)وزیر اعلیٰ خیبر پختون خوا علی امین گنڈاپور نے علمائے کرام سے گزارش کی ہے کہ وہ پولیو سے متعلق آگاہی پھیلانے میں اپنا کردار ادا کریں۔علی امین گنڈاپور نے پولیو کے عالمی دن پر تقریب سے خطاب کرتے ہوئے کہاکہ انسداد پولیو مہم ضروری ہے، اس کیلئے صوبے میں چلینجز ہیں۔اْنہوں نے کہا کہ صوبے میں پولیو کا خاتمہ کرنا ہے، کسی گھر میں ایک معذور بھی ہو تو یہ پورے خاندان والوں کے لیے تکلیف دہ ہوتا ہے۔وزیرِ اعلیٰ خیبر پختون خوا نے عوام سے اپیل کی ہے کہ انسداد پولیو مہم کا بائیکاٹ نہ کیا جائے، بچوں کو پولیو سے بچاؤ کے قطرے لازمی پلائیں۔اْنہوں نے کہا کہ صوبے میں انسداد پولیو مہم شروع کی جا رہی ہے، ان علاقوں کو زیادہ توجہ دیں گے جہاں بچے پولیو سے بچاؤ کے قطرے پینے سے محروم رہ جاتے ہیں۔علی امین گنڈاپور نے کہا کہ کسی کو معذوری سے بچانا بھی ان کی زندگی بچانے کے برابر ہے، پولیو کا خاتمہ پوری قوم کی جنگ ہے۔
وزیر اعلیٰ خیبر پختون خوا علی امین گنڈاپور نے علمائے کرام سے گزارش کی ہے کہ وہ پولیو){kind=link}