اسلام آباد (این این آئی)وفاقی وزیرداخلہ محسن نقوی نے جمہوریہ ترکیہ کے قیام کی 101 ویں سالگرہ پر کہا ہے کہ میں جمہوریہ ترکیہ کی قیادت اور عوام کو مبارکباد پیش کرتا ہوں۔پیغام اپنے خصوصی پیغام میں فاقی وزیرداخلہ محسن نقوی نے ترکیہ کی حکومت اور عوام کے لئے نیک تمناؤں کا اظہار کرتے ہوئے کہا کہ جمہوریہ ترکیہ کے عوام کی خوشیوں میں برابر کے شریک ہیں۔ انہوں نے کہا کہ ترکیہ نے صدر رجب طیب اردوان کی قیادت میں عملی طور پر پائیدار ترقی کی ہے، ترکیہ کے عوام کی ترقی اور خوشحالی دیگر ممالک کے لئے رول ماڈل ہے۔ وفاقی وزیر داخلہ نے کہا کہ جمہوریہ ترکیہ کی تیز رفتار ترقی کا کریڈٹ صدر رجب طیب اردوان اور ان کی ٹیم کو جاتا ہے۔وفاقی وزیرداخلہ محسن نقوی نے کہا کہ حالیہ دورہ ترکیہ کے دوران دوطرفہ تعلقات کو فروغ دینے کیلئے مفید بات چیت ہوئی۔ انہوں نے اس بات پر زور دیا کہ پاکستان کو جمہوریہ ترکیہ کے ساتھ مضبوط دوستی پر ناز ہے۔
وفاقی وزیرداخلہ محسن نقوی نے جمہوریہ ترکیہ کے قیام کی 101 ویں سالگرہ پر کہا ہے){kind=link}