اسلام آباد (این این آئی) پاکستان پیپلز پارٹی کے چیئرمین بلاول بھٹو زرداری نے پنجگور کے علاقہ پروم میں دہشتگردی کی شدید مذمت کرتے ہوئے کہاہے کہ ڈیم پر کام کرنے والے اہلکاروں پر حملہ قوم کی ترقی پر حملہ ہے،یقین ہے کہ دہشتگردانہ واقعے میں ملوث مجرم قانون کی گرفت سے بچ نہیں سکیں گے۔ اپنے بیان میں بلاول بھٹو زر داری نے کہاکہ حملے میں شہیدہونے والے اہلکار وں کی قوم ہمیشہ مقروض رہے گی۔ انہوںنے کہاکہ شہداء کے لواحقین کے غم میں برابر کا شریک اور ان کے لیے صبر جمیل کی دعا کرتا ہوں۔ بلاول بھٹو زر داری نے کہاکہ پیپلز پارٹی دہشتگردوں سے نبرد آزما سکیورٹی فورسز کے شانہ بشانہ کھڑی ہے، یہ جنگ ہم ہی جیتیں گے۔
 پاکستان پیپلز پارٹی کے چیئرمین بلاول بھٹو زرداری نے پنجگور کے علاقہ پروم میں){kind=link}