لاہور( این این آئی)ماضی کی نامور اداکارہ بابرہ شریف نے کہا ہے کہ مجھے کمانڈو ہیروئن کے طور پر متعارف کرانے کا سہرا شمیم آراء کے سر ہے ،فلم انڈسٹری سے مکمل کنارا کشی اختیار کر چکی ہوں اس لئے کبھی واپسی کا نہیں سوچا۔ایک انٹر ویو میں گفتگو کرتے ہوئے بابرہ شریف نے کہا کہ میں نے اپنے فلمی کیرئیر میں بہت سے ہدایتکاروں کے ساتھ کام کیا ہے ، میری کامیابی میں بہت سے لوگوں کا ہاتھ ہے لیکن اگر میں شمیم آراء کا خصوصی تذکرہ نہ کروں تو یہ نا انصافی ہو گی ۔ میں اپنی کامیابی میں ان کے کردار کو کسی صورت فراموش نہیں کرسکتی ۔ بابرہ شریف نے کہا کہ یہ خبریں آتی رہتی ہیں کہ میں شوبز میں دوبارہ واپس آرہی ہوںایسا کچھ نہیں ہے ۔
