نئی دہلی(این این آئی)بالی ووڈ سپر اسٹار سلمان خان نے اپنی آنے والی ایکشن ڈرامہ فلم ”سکندر”کی شوٹنگ حیدرآباد میں دوبارہ شروع کر دی ہے۔ یہ شوٹنگ ایک ماہ تک جاری رہے گی اور سلمان خان کو درپیش سیکیورٹی خدشات کی وجہ سے سیٹ پر انتہائی سخت حفاظتی اقدامات کیے گئے ہیں۔ شوٹنگ ایک محل نما ہوٹل میں ہو رہی ہے، جسے تقریباً ایک قلعے کی طرح سیکیورٹی فراہم کی گئی ہے۔میڈیا رپورٹس کے مطابق، سلمان خان کی سیکیورٹی کے لیے چار تہوں پر مشتمل حفاظتی اقدامات کیے گئے ہیں جن میں NSGکمانڈوز، پولیس اہلکار اور نجی سیکیورٹی گارڈز شامل ہیں۔ حیدرآباد اور ممبئی پولیس کے تعاون سے سلمان خان کے آس پاس 50سے 70سیکیورٹی اہلکار ہر وقت موجود ہوتے ہیں۔ ہوٹل میں داخلے پر بھی دو سطح کی جانچ کی جاتی ہے، اور تمام عملے کی روزانہ جانچ پڑتال ہوتی ہے۔اس شیڈول کے دوران سلمان خان اور ان کی ساتھی اداکارہ راشمیکا مندانا پر دو خصوصی گانوں کی فلمبندی بھی شامل ہے۔ ان گانوں کو بڑے پیمانے پر فلمایا جا رہا ہے اور ان میں سلمان اور راشمیکا کی کیمسٹری کو اجاگر کیا جائے گا۔یہ سخت حفاظتی انتظامات سلمان خان کو موصول ہونے والی دھمکیوں کے باعث کیے گئے ہیں، جو کہ کالے ہرن کے شکار کیس سے جڑی ہوئی ہیں۔ اس دھمکی کے بعد حکومت نے سلمان خان کو Y-کیٹیگری سیکیورٹی فراہم کی ہے تاکہ ان کی حفاظت یقینی بنائی جا سکے۔
