تل ابیب (این این آئی )اسرائیلی صدر اسحاق ہرتصوغ کل منگل کے روز امریکی صدر جو بائیڈن سے ملاقات کریں گے۔غیرملکی خبررساں ادارے کے مطابق ملاقات میں غزہ اور لبنان کی صورتحال اور اسرائیلی جنگ سب سے اہم موضوع ہو گا۔ اس امر کا اظہار اسرائیلی صدر کے دفتر نے ایک پریس ریلیز میں کیا ہے۔واضح رہے پانچ نومبر کے صدارتی انتخابات کے بعد کسی غیرملکی صدر کی صدر جو بائیڈن کے ساتھ یہ پہلی ملاقات ہو گی۔ جبکہ نو منتخب صدر ڈونلڈ ٹرمپ کی اس دوران نیتن یاہو کے ساتھ فون پر تفصیلی بات چیت ہو گی۔
