پشاور(این این آئی)سابق سینیٹر الیاس احمد بلور 84 سال کی عمر میں انتقال کر گئے۔عوامی نیشنل پارٹی کی خاتون رہنما ثمر ہارون بلور کے مطابق سابق سینیٹر الیاس احمد بلور کا انتقال ہو گیا ہے۔ثمر بلور نے بتایا ہے کہ الیاس بلور کی نمازِ جنازہ آج اتوار کی دوپہر 2 بجے پشاور کے وزیر باغ میں ادا کی جائے گی۔مرحوم اے این پی کے رہنما غلام احمد بلور اور شہید بشیر احمد بلور کے بھائی تھے۔غلام احمد بلور کا کہنا ہے کہ الیاس احمد بلور کئی ماہ سے اسپتال میں زیرِ علاج تھے، وہ گردوں کے مرض میں مبتلا تھے اور آج صبح 4 بجے ان کا انتقال ہوا۔دوسری جانب صدرِ مملکت آصف زرداری نے الیاس احمد بلور کے انتقال پر اظہارِ افسوس، مرحوم کے اہلِ خانہ کے ساتھ تعزیت، مرحوم کے لیے دعائے مغفرت اور ورثاء کے لیے صبر جمیل کی دعا کی ہے۔
