واشنگٹن (این این آئی)عافیہ صدیقی نے اپنے وکلاء کے ذریعہ ٹیکساس میں موجود امریکی وفاقی عدالت میں درخواست دائر کردی۔ درخواست میں جیل عملے پر جمہوری اور انسانی حقوق کی شدید خلاف ورزی کے الزامات عائد کیے گئے ہیں۔عافیہ کی جانب سے دائر الزامات میں جنسی زیادتی، تشدد، طبی سہولت کی عدم فراہمی اور مذہبی امتیاز کے معاملات بھی شامل ہے۔درخواست امریکی حکومت، فیڈرل بیورو آف پریزنز اور جیل حکام کے خلاف دائر کی گئی ہے۔واضح رہے کہ ڈاکٹر عافیہ صدیقی ٹیکساس کی جیل میں 86 سال قید کی سزا کاٹ رہی ہیں۔ادھرڈاکٹرعافیہ صدیقی کی امریکی حکومت کے خلاف ٹیکساس کے ڈسٹرکٹ کورٹ میں 2 ماہ قبل دائر درخواست کی کاپی سامنے آگئی۔درخواست عافیہ صدیقی کے وکلا نعیم ہارون، ماریہ کاری اور کلائیو اسٹیفورڈ اسمتھ نے دائر کی جس میں جمہوری اور انسانی حقوق کی شدید خلاف ورزیوں کے الزامات عائد کیے گئے۔درخواست امریکی حکومت، فیڈرل بیورو آف پریزنز اور جیل حکام کے خلاف دائر کی گئی ہے جس میں ڈاکٹر عافیہ سے جنسی زیادتی، ٹارچر، طبی سہولیات کی عدم فراہمی اور مذہبی امتیاز کا الزام لگایا گیا ہے۔خیال رہے کہ ڈاکٹرعافیہ صدیقی ٹیکساس کی جیل میں 86 سال قید کی سزا کاٹ رہی ہیں۔
