اسلام آباد(این این آئی) وزیراعظم شہباز شریف نے (ن) لیگ اور پیپلز پارٹی میں سیاسی اور دیگر امور میں تعاون کے لیے کمیٹی بنادی۔ وزیراعظم کی قائم کردہ کمیٹی میں وفاقی وزراء اسحاق ڈار، خواجہ آصف، اعظم نذیر تارڑ، احد خان چیمہ، امیر مقام، رانا ثناء اللہ، ملک احمد خان، مریم اورنگزیب، خواجہ سعد رفیق، جعفر خان مندوخیل اور بشیر میمن شامل ہیں۔وزیر اعظم نے کمیٹی کو پیپلزپارٹی کے ساتھ مشاورت، سیاسی تعاون اور مسائل کے حل کی ذمہ داری سونپی ہے۔ادھر چند روز پہلے پیپلز پارٹی کے چیئرمین بلاول بھٹو زرداری نے وفاقی حکومت سے مذکرات کے لیے کمیٹی بنائی تھی۔واضح رہے کہ گزشتہ دنوں چیئرمین پیپلزپارٹی بلاول بھٹو زرداری نے کہا تھاکہ وفاق میں نہ عزت دی جاتی ہے، نہ سیاست کی جاتی ہے، نہ معاہدے پر عمل ہورہا ہے، وہ 26 و?ں ترمیم میں مصروف تھے اور حکومت نے پیچھے کینالز کی منظوری دے دی۔اس کے بعد وزیراعظم شہباز شریف نے بلاول بھٹو زرداری کے تحفظات دور کرنے کی ہدایت کی تھی اور نائب وزیراعظم اسحاق ڈار کو یہ ذمے داری دی تھی۔
