لاہور( این این آئی)9مئی کے مختلف مقدمات کی تحقیقات کے لئے قائم جوائنٹ انویسٹی گیشن ٹیم نے پی ٹی آئی قیادت کو گناہگار قرار دیدیا۔انسداد دہشتگردی کی خصوصی عدالت کے جج ارشد جاوید نے مقدمات کی سماعت کی۔ دوران سماعت جے آئی ٹی نے 9 مئی کے مختلف مقدمات میں تفتیش مکمل کر کے رپورٹ عدالت پیش کی ۔رپورٹ میں کہا گیا ہے کہ پی ٹی آئی قیادت نے 9مئی کو عوام کو اکسایا، اسد عمر، اعظم سواتی اور حافظ فرحت عباس سمیت دیگر ملزمان گناہگار ہیں۔دوران سماعت عدالت نے ملزمان کے وکلا ء سے مکالمہ کرتے ہوئے کہا کہ پہلے آپ کہہ رہے تھے کہ تفتیش مکمل کریں اب ہو گئی ہے تو بحث کریں، آپ بتا دیں تاریخ چاہیے۔بعدازاں عدالت نے ملزمان کے وکلا ء کو 9 مئی کے مختلف مقدمات میں دلائل کے لیے آئندہ سماعت پر 14 جنوری کو طلب کر لیا
