لاہور( این این آئی)جنرل مینیجر چائنہ گروپ نے پاکستان میں 12ارب ڈالرکے 21 میگا منصوبے مکمل کئے ہیں، گروپ کے دواہم ترین ہائیڈروپاورمنصوبوں کی مجموعی پیداواری صلاحیت 1570 میگاواٹ ہے۔وفاقی وزیر برائے منصوبہ بندی احسن اقبال سے چائنہ انرجی انٹرنیشنل گروپ کے جنرل منیجر کی ملاقات ہوئی، ملاقات میں پاکستان میں چینی سرمایہ کاری پر تبادلہ خیال کیا گیا۔ملاقات کے موقع پر مشترکہ اعلامیہ میں کہا گیا ہے کہ ان میں 700 میگاواٹ کاآزاد پتن ہائیڈرو پاور منصوبہ اورسکی کناری منصوبہ 870 میگاواٹ کا ہے، ان منصوبوں پر مجموعی سرمایہ کاری 3.5 ارب ڈالر ہے۔احسن اقبال نے آزاد پتن منصوبے کی کامیاب تکمیل میں چائنہ انرجی گروپ کے عزم کو سراہا ۔
