جوہری معاہدہ ، ایرانی نمائندہ مذاکرات کے لیے ویانا پہنچ گیا

0
63

تہرا ن(این این آئی)ایران اور عالمی طاقتوں کے درمیان جوہری معاہدے کے سلسلے میں ایرانی مذاکراتی ٹیم کے سربراہ علی باقری کانی 2015 میں ہونے والے جوہری معاہدے کی بحالی لیے مذاکرات کرنے ویانا روانہ ہو گئے ۔میڈیارپورٹس کے مطابق ایرانی دفتر خارجہ کے ترجمان ناصر کنعانی نے اس بارے میںکہا کہ ایرانی نمائندے کے طور پر علی باقری کانی مذاکرات کے اس دور میں عالمی طاقتوں کی طرف سے جوہری معاہدے کی بحالی کے سلسلے میں خیالات اور تصورات پر بھی بات ہوگی اور ایرانی تصورات بھی پیش کیے جائیں گے۔ایرانی ترجمان نے یہ بھی کہا کہ یورپی یونین کے نمائندہ انریکے مورا بھی ویانا پہنچ رہے ہیں۔ وہ ایران کے ساتھ سات سال قبل ہونے والے جوہری معاہدے کی بحالی کے لیے ایک کوآرڈینیٹر کے طور پر کام کر رہے ہیں، وہ بھی ایرانی نمائندے کے ساتھ مذاکرات کے لیے ویانا پہنچ رہے ہیں۔ادھر مورا نے ویانا کی طرف روانہ ہونے سے قبل اپنے ایک ٹویٹ بیان میں کہا کہ ویانا جاتے ہوئے میں ایران کے ساتھ ماضی میں ہونے والے پلان آف ایکشن ہماری کوشش ہیکہ کوآرڈینیٹرز کی طرف سے بیس جولائی کو پیش کیے گئے مسودے کی بنیاد پر پورا عمل درآمد کیا جائے۔انہوں نے اپنے ٹویٹ میں مزید کہا ہم ویانا میں مذاکرات کے لیے آسٹریا کے حکام کے ممنون ہیں۔