اسلام آباد (این این آئی)وزیراعظم محمد شہباز شریف نے خیبرپختونخوا کے ضلع کرک میں انسداد پولیو ٹیم پر دہشتگرد حملے، اور اس میں ایک پولیس اہلکار کی شہادت پر اظہار افسوس کرتے وزیراعظم کی زخمیوں کو فوری طبی امداد فراہم کرنے کی ہدایت کی ہے ۔ اپنے بیان میں وزیر اعظم نے کہاکہ پولیو کو پاکستان سے ختم کرنے کے لئے ہماری سیکیورٹی فورسز کی قربانیاں رائیگاں نہیں جائیں گی۔وزیراعظم نے کہاکہ قوم کو پولیو کے مرض سے پاک کرنے کے لیے سرگرم عمل پولیو ورکرز پر حملہ باعث تشویش ہے، اس قسم کی کاروائیاں ہمارے حوصلے پست نہیں کر سکتیں۔ وزیراعظم نے کہاکہ حکومت ملک سے پولیو کے مکمل خاتمے اور پولیو ورکرز کی حفاظت کے لیے تمام وسائل بروئے کار لائے گی
