قاہرہ(این این آئی )مصر میں ترکیہ کے سفیر صالح متلو سین نے زور دے کر کہا ہے کہ شام کے واقعات ان کے ملک کو متاثر کر رہے ہیں۔ انھوں نے عرب ٹی وی کو دیئے گئے بیانات میں کہا کہ ترکیہ ایک متحد شام چاہتا ہے۔انہوں نے کہا ہم شام پر اپنا تسلط مسلط نہیں کرنا چاہتے۔ داعش اور کرد جنگجوں کا حوالہ دیتے ہوئے انہوں نے مزید کہا کہ ہم نہیں چاہتے کہ شام سے دہشت گردی کا کوئی خطرہ ہمیں درپیش ہو۔انہوں نے اس بات پر زور دیا کہ شام میں نئی حکومت کو اپنے لوگوں پر انحصار کرنا چاہیے۔ بین الاقوامی برادری نے شام کی نئی انتظامیہ کے ساتھ بات چیت شروع کر دی ہے۔انہوں نے مزید کہا کہ شام کو تعمیر نو کے لیے مدد کی ضرورت ہے اور ترکیہ شام کے لیے اپنی مدد بڑھانے کے لیے تیار ہے۔ انہوں نے انکشاف کیا کہ ترک وزیر خارجہ ہاکان فیدان جلد شام کے دارالحکومت دمشق کا دورہ کریں گے۔
