ریاض (این این آئی )شام کی نئی انتظامیہ کے کمانڈر انچیف احمد الشرع نے تصدیق کی ہے کہ سعودی عرب نے اپنے ہاں بہت جرات مندانہ منصوبے شروع کیے ہیں۔ سعودی عرب کے پاس ایک ترقیاتی ویژن ہے جس کا اب ہم دمشق میں انتظار کر رہے ہیں۔عرب ٹی وی کے مطابق انہوں نے مزید کہا شام اور سعودی عرب کے درمیان کئی نکات ایسے ہیں نئی شامی انتظامیہ جن کے متعلق خیال کرتی ہے کہ ہم وہاں مل سکتے ہیں۔ ان نکات میں اقتصادیات، ترقی اور دیگر تعاون کے امور شامل ہیں۔شامی میڈیا نے انکشاف کیا کہ حال ہی میں شام کا دورہ کرنے والے امریکی وفد نے دمشق میں نئی انتظامیہ سے پابندیاں اٹھانے پر بات چیت کی۔ سیزر ایکٹ پر بھی گفتگو کی گئی۔انہوں نے مزید کہا کہ امریکی وفد نے جمعہ کو نئی انتظامیہ کے ساتھ ھیئہ تحریر الشام کو دہشت گردوں کی فہرستوں سے نکالنے پر بھی تبادلہ خیال کیا ہے۔
