سرینگر(این این آئی)بھارت کے غیر قانونی زیر تسلط جموںوکشمیرمیںبھارتی فوجیوںنے اپنی ریاستی دہشت گردی کی تازہ کارروائی کے دوران ضلع شوپیاںمیں آج دو کشمیری نوجوانوںکو شہید کر دیا ۔ کشمیرمیڈیاسروس کے مطابق فوجیوںنے نوجوانوںکو ضلع کے علاقے قت پورہ (Kutpora)میں تلاشی اور محاصرے کی ایک کارروائی کے دوران شہید کیا۔ ایک سرکاری عہدیدار نے میڈیا کو بتایا ہے کہ نوجوانوںکو بھارتی فوج ، سینٹرل ریزروپولیس فورس اور بھارتی پولیس کی طرف سے شروع کئے جانیوالے تلاشی اور محاصرے کی کارروائی کے دوران فائرنگ کے تبادلے میںشہید کیاگیا ۔آخری اطلاعات ملنے تک علاقے میں فائرنگ کا تبادلہ جاری تھا۔ بھارتی قابض انتظامیہ نے شوپیاں اور کولگام کے اضلاع میں انٹرنیٹ سروس معطل کر دی ہے ۔
