غزہ(این این آئی )غزہ میں باقی رہنے کے بارے میں اعلی سکیورٹی حکام کی وارننگ کے جواب میں اسرائیلی وزیر اعظم نیتن یاہو کے دفتر نے تصدیق کی ہے کہ اسرائیل غزہ میں لڑائی میں واپس آئے گا چاہے وہ قیدیوں کے تبادلے کا معاہدہ بھی کر چکا ہو۔غیرملکی خبررساں ادارے کے مطابق نیتن یاہو کے دفتر نے مزید کہا کہ غزہ میں حماس کے باقی رہنے کا کوئی بھی حل مسترد کر دیا جاتا ہے۔ غزہ کی پٹی میں مستقبل کے حوالے سے معاملہ ابھی زیر بحث ہے۔نیتن یاہو کے دفتر نے یہ بھی بتایا کہ غزہ میں وزیر اعظم کی طرف سے طے کی گئی پالیسی یہ ہے کہ غزہ میں نہ تو حماس اور نہ ہی فلسطینی اتھارٹی کا شہری کنٹرول ہوگا۔ انسانی امداد کی تقسیم میں بھی ان دونوں کا کوئی کردار نہ ہوگا۔یاہو کے دفتر نے کہاکہ نیتن یاہو اس معاہدے سے اتفاق نہیں کرتے جس میں جنگ کا خاتمہ اور غزہ کی پٹی سے اسرائیلی فوج کو واپس بلانا شامل ہو۔ نیتن یاہو ایسا معاہدہ چاہتے ہیں جس کے تحت حماس کی غزہ کی پٹی میں دوبارہ واپسی کو روکا جا سکے۔
