ہم پر الزامات لگا کر ق لیگ کے صدر کو ہٹانے کی کوشش کی گئی، چوہدری سالک حسین

0
54

اسلام آباد (این این آئی)مسلم لیگ ق کے صدر اور سینئر سیاستدان چوہدری شجاعت حسین کے بیٹے اور رکن قومی اسمبلی چوہدری سالک حسین نے کہا ہے کہ ہم پر الزامات لگا کر ق لیگ کے صدر کو ہٹانے کی کوشش کی گئی۔ایک بیان میں چوہدری سالک حسین نے کہا کہ جن لوگوں نے غیر قانونی طور پر ہمیں ہٹایا انہیں ہم سے رابطہ کرنا چاہیے، ان کے خلاف ایکشن لیا جائے گا۔انہوں نے کہا کہ کامل علی آغا کو شوکاز نوٹس بھجوا دیا گیا ہے، پارٹی کے خلاف ووٹ دینے والوں کے خلاف بھی ایکشن لیا جائے گا۔آصف علی زرداری نے کیا دونوں بھائیوں کو لڑا دیا؟ صحافی کے سوال پر چوہدری سالک حسین نے کہا کہ ہماری طرف سے کوئی ایسی بات نہیں ہوئی نہ لڑائی ہوئی، میں نہیں سمجھتا کہ کچھ ایسا ہے، کچھ عرصہ قبل دونوں بھائی ایک ہی پیج پر تھے۔