ممبئی (این این آئی) بھارتی خوبرو اداکارہ عالیہ بھٹ کی جانب سے اپنے شوہر، چاکلیٹی ہیرو رنبیر کپور سے متعلق ایک سوال پر دلچسپ انداز میں جواب دیا گیا ہے،جب سے عالیہ بھٹ اور رنبیر کپور کی شادی ہوئی ہے اس جوڑی کے مداح اِن سے متعلق زیادہ سے زیادہ جاننے کی جستجو رکھتے ہیں۔عالیہ بھٹ نے لمبے عرصے بعد اپنے سوشل میڈیا فالوورز اور مداحوں کیلئے سوال جواب کا سیشن رکھا جس میں انہوں نے بہت سے سوالوں کے جواب دیئے۔ایک صارف نے عالیہ بھٹ سے پوچھا تھا کہ ان کے شوہر، رنبیر کپور بطور ساتھی اداکار کیسے ہیں؟۔اس پر عالیہ بھٹ نے رنبیر کی ایک تصویر شیئر کرتے ہوئے بتایا کہ رنبیر کپور بہت سادہ اور آسان انسان ہیں، رنبیر کپور وقت کے پابند ہیں، انہیں شوٹنگ سے واپس لوٹنے کی بھی جلدی نہیں ہوتی، وہ اپنا کام وقت پر مکمل کرتے ہیں اور نظم و ضبط کے پابند ہیں۔عالیہ بھٹ نے کہا کہ رنبیر کپور شوٹنگ کے دوران میرے لیے اپنے ہاتھوں سے دل بھی بناتے رہتے ہیں۔
