اسلام آبا د(این این آئی)پاکستان تحریکِ انصاف کے رہنما اسد قیصر نے کہاہے کہ پی ٹی آئی سیاسی اور کور کمیٹی مذکراتی عمل میں آن بورڈ ہے۔ نجی ٹی وی سے گفتگو میں انہوںنے بتایاکہ گزشتہ روز پارلیمانی پارٹی کا اجلاس ہوا جہاں ممبران کو مذاکراتی عمل سے آگاہ کیا گیا۔اسد قیصر نے کہا کہ پی ٹی آئی سیاسی اور کور کمیٹی مذکراتی عمل میں آن بورڈ ہے۔انہوں نے کہا کہ مجھے سمجھ آ رہی ہے کیونکہ اگلی مذاکراتی نشست سے قبل بانی پی ٹی آئی سے مشاورت ضروری ہے۔اسد قیصر نے کہا کہ ہم سمجھتے ہیں کہ اس وقت اپنی انا سے بڑھ کر پاکستان ہے، نوجوانوں میں جو مایوسی پھیل رہی ہے اسے دور کرنے کے لیے اپنے ذاتی مفاد کو پسِ پشت ڈالنا ہو گا، خواہش ہے کہ پاکستان آگے بڑھے۔پی ٹی آئی کے رہنما نے کہا کہ اب بال حکومت کی کورٹ میں ہے، دیکھنا ہے وہ اسے کتنی سنجیدگی سے لیتی ہے۔
