لاہور( این این آئی)صدر سنی علما ء کونسل لاہور اور صوبائی ترجمان مولانا حافظ حسین احمد نے کہا ہے کہ رسول اللہۖ کی سیرت مبارکہ ہمارے لیے مشعل راہ ہے ،علما ء سیرت النبیۖ کو عام کرنے میں اپنا کردار ادا کریں اورحضورۖ کی تعلیمات کو گھر گھر پہنچائیں، صحابہ نے آپۖ سے تربیت حاصل کرکے اسلام کی دعوت پوری دنیا میں پہنچائی۔اپنے جاری بیان میں انہوں نے کہا کہ جب تک اس ملک میں قرآن وسنت کا نظام قائم نہیں ہوتاملک ترقی کی راہ پر گامزن نہیں ہوسکتا۔ یہ ملک کلمہ طیبہ کے نام پر حاصل کیاگیاتھا اور اس میں کلمے والے قانو ن نافذکرنے سے ہی امن قائم ہوسکتاہے،قرآن وسنت کے نظام کے نفاذ میں ہی دنیا میں امن قائم ہو سکتا ہے۔سیاسی انتہا پسندی نے ملک کو دیوالیہ کر کے رکھ دیا ہے اسلام نافذ ہو گا تو امن اور خوشحالی آئے گی،سیاسی کشیدگی، سیکولر انتہا پسندی کی وجہ سے انتہاں کو پہنچی ہوئی ہے۔ انہوں نے حکومت وقت سے مطالبہ کیا کہ وطن عزیز میں پھیلتی ہوئی بدامنی کو روکنے کے لیے کوئی مثبت لائحہ عمل کا اعلان کیا جائے۔
