نیویارک(این این آئی)پلیٹ فارم ٹیلیگرام کی انتظامیہ نے انتہا پسندی اور دہشت گردی کے پروپیگنڈے کی روک تھام اور اس کا مقابلہ کرنے کے حوالے سے گلوبل سینٹر فار کامبیٹنگ ایکسٹریمسٹ آئیڈیالوجی اعتدال کے ساتھ اپنی شراکت کو قدر کی نگاہ سے دیکھا ہے۔غیرملکی خبررساں ادارے کے مطابق ٹیلی گرام نے اپنی سرکاری ویب سائٹ پر کہا ہے کہ 2022 سے اس نے اعتدال کے ساتھ شراکت داری میں اپنی کوششوں کو بہت مضبوط کیا ہے اور ان کے تعاون کے ذریعے 100 ملین سے زیادہ انتہا پسندانہ مواد کو ہٹا دیا گیا ہے۔ اس نے سالانہ کوششوں کا جائزہ لینے کے تناظر میں کہا کہ ٹیلی گرام پر تشدد اور دہشت گردانہ پروپیگنڈے کے لیے کوئی جگہ نہیں ہے۔
