واشنگٹن (این این آئی )امریکی صدر جو بائیڈن نے کیلی فورنیا میں فائر زون کو ڈیزاسٹر زون قرار دے دیا۔غیرملکی خبررساں ادارے کے مطابق وائٹ ہائوس کے پریس سکریٹری کرائن جین پیئر نے کہا کہ انہوں نے لاس اینجلس میں پولیس اور فائر فائٹرز کا دورہ کرنے اور کیلیفورنیا میں ہنگامی حالت کے اعلان کے بعد وفاقی حکومت کے ردعمل پر عمل کرنے کے لیے واشنگٹن میں ہی رہنے کا فیصلہ کیا۔بیان میں اشارہ کیا گیا کہ بائیڈن کو ان پیش رفتوں سے آگاہ کیا گیا تھا کہ تیز ہوائوں کی وجہ سے آگ پھیل گئی تھی۔ اس آگ سے نمٹنے کے لیے ہنگامی اقدامات کرنے کی ضرورت تھی۔ انہوں نے عارضی رہائش فراہم کرنے اور تباہ شدہ گھروں کی مرمت میں مدد کے لیے وفاقی فنڈ مختص کرنے کا بھی فیصلہ کیا ہے۔ ان نقصانات کی تلافی کے لیے کم لاگت والے قرضے فراہم کیے جائیں گے۔بائیڈن نے اس آفت کے نتیجے میں ہونے والے نقصان کا مقابلہ کرنے کے لیے مقامی حکومتوں اور ریاستوں کو مدد فراہم کرنے کا فیصلہ کیا ہے۔ امریکی صدر نے آتشزدگی پر وفاقی حکومت کے ردعمل کی نگرانی کے لیے اٹلی کا اپنا طے شدہ دورہ منسوخ کر دیا۔ اس سے قبل نومنتخب صدر ڈونلڈ ٹرمپ نے لاس اینجلس میں لگنے والی آگ کی موجودہ صورتحال پر تنقید کرتے ہوئے کہا کہ یہ آگ امریکہ کی تاریخ میں اپنے مالیاتی اخراجات کے لحاظ سے سب سے بڑی تباہی لا سکتی ہے۔سوشل میڈیا پلیٹ فارم ٹروتھ سوشلپر ایک پوسٹ میں ٹرمپ نے کہا کہ بہت سے ماہرین انشورنس کمپنیوں کی اس بڑی تباہی کے نتیجے میں ہونے والے نقصان کو پورا کرنے کی صلاحیت پر شک کا اظہار کر رہے ہیں۔ ٹرمپ نے لکھا یہ آگ موجودہ صدر بائیڈن کی انتظامیہ کی کی نااہلی اور بدانتظامی کا ثبوت ہے۔
