واشنگٹن(این این آئی)ٹک ٹاک نے پابندی کیخلاف حکومتی عدم مداخلت پر امریکا میں سرگرمیاں معطل کرنے کا اعلان کردیا۔غیرملکی میڈیاکی رپورٹ کے مطابق ایک بیان میں ٹک ٹاک نے کہا ہے کہ وہ (آج)اتوار سے امریکا میں سرگرمیاں معطل کرنے پر مجبور ہوگی جب تک کہ حکومت پابندی سے متعلق فیصلے پر نفاذ سے پہلے مداخلت نہیں کرتی۔ٹک ٹاک نے کہا کہ وائٹ ہاؤس اور محکمہ انصاف سروس فراہم کرنے والی کمپنی کو ضروری وضاحت اور یقین دہانی دینے میں ناکام رہے ہیں جو کہ ٹک ٹاک کی دستیابی برقرار رکھنے کیلئے لازمی ہیں۔اس میں کہا گیا کہ جب تک حکومت فوری طور پر ویڈیو ایپ کو یہ یقین دہانی کرانے کیلئے قدم نہیں کرتی کہ اسے لگنے والی پابندی کی خلاف ورزی کرنے پر سزا نہیں دی جائے گی، ٹک ٹاک(آج)19جنوری سے آپریشن معطل کرنے پر مجبور ہوگی۔
