لاہور(این این آئی)عالمی شہرت یافتہ فنکار معین اختر کی زندگی پر مبنی کتاب آئندہ ماہ فروری 2025 میں شائع ہو گی۔باصلاحیت فنکار کی زندگی پر مبنی یہ کتاب آکسفورڈ یونیورسٹی پریس کے تحت شائع ہو گی جسے دنیا بھر میں ریلیز کیا جائے گا۔416صفحات کی یہ کتاب ابتدا اردو میں شائع کی جا رہی ہے بعد ازاں اس کا انگلش ایڈیشن بھی شائع ہو گا، کتاب کے پیش لفظ مرحوم ضیا محی الدین نے جبکہ دیباچہ انور مقصود نے تحریر کیا ہے۔کتاب کی تقریب رونمائی ہوٹل بیچ لگژری میں منعقد ہونے والے سالانہ کراچی لٹریچر فیسٹیول(کے ایل ایف)میں متوقع ہے۔
