اسلام آباد (این این آئی)مشیر قانون و انصاف بیرسٹر عقیل ملک نے کہا ہے کہ فچ رپورٹ میں پاکستان کی معاشی سرگرمیوں کے استحکام اور شرح سود میں کمی کو خوش آئند ہے۔ اپنے بیان میں بیرسٹر عقیل ملک نے کہاکہ وزیراعظم کی قیادت میں معاشی ٹیم کی انتھک محنت کا اعتراف ہے، یہ پیشرفت مشکل اقتصادی حالات سے نکلنے کی امید پیدا کرتی ہے۔ بیرسٹر عقیل ملک نے کہاکہ ادارہ جاتی اصلاحات کا تسلسل اور معیشت کی دانشمندانہ سمت ملکی ترقی کے لیے ناگزیر ہیں۔ مشیر قانون وانصاف نے کہاکہ ہمیں وزیراعظم کی قیادت میں اس معاشی بحالی کے سفر کو مزید رفتار دینا ہوگی تاکہ عوام کو اس کے ثمرات جلد میسر آئیں۔
