میونخ (این این آئی )یوکرین کے صدر ولادی میر زیلنسکی نے اپنے یورپی اتحادیوں کو خبردار کیا ہے کہ نیٹو کو کمزور کیا گیا تو روس نیٹو پر جارحانہ جنگ شروع کر دے گا ۔میڈیارپورٹس کے مطابق یوکرینی صدر ٹرمپ اور پوتین کی حالیہ دنوں اعلان کردہ متوقع ملاقات کے چند دن بعد میونخ کی سیکیورٹی کانفرنس کے دوران ایک ٹی وی انٹرویو میں نیٹو ممالک کے لیے خطرات پر بات کررہے تھے۔انہوں نے اس موقع سے قبل صدر ٹرمپ کے نیٹو مستقبل کے بارے میں خیالات کی روشنی میں یورپی ملکوں کے لیے نئے چیلنجوں کا بھی ذکر کیا۔ ٹرمپ نیٹو کے لیے امریکی امداد کو کم کرنا چاہتے ہیں۔انہوں نے ٹرمپ کی طرف سے یوکرین کو جنگ بندی مذاکرات کی طرف لانے کی بات کرتے ہوئے یہ بھی کہا روسی رہنما پر کبھی بھروسہ نہیں کرنا چاہیے ۔صدر زیلنسکی نے ممکنہ منظر نامے میں نیٹو ملکوں کے خلاف پوتین کی طرف جنگی جارحیت کے خدشات بیان کیے۔ جب امریکہ نیٹو ممالک سے اپنی فورسز کو نکال لے جائے گا۔ان کے مطابق روس ایک تیزر رفتار رجحان کے ساتھ ہے۔ ‘ میں جانتا ہوں روس تیس فیصد یورپ تک آگے بڑھتا ہے یا 50 فیصد تک خود کو پھیلانا چاہتا ہے۔یوکرینی صدر نے یورپی ملکوں کی ایک مشترکہ فوج کی ضرورت پر بھی زور دیا اور کہا ‘امریکہ پر مزید دفاعی انحصار نہیں کیا جا سکتا ہے۔ کیونکہ ہم اس امر کو رد نہیں کر سکتے کہ امریکہ یورپ کو نہیں کر دے گا۔ اس لیے وقت آگیا ہے کہ یورپ کی نئی فوج تخلیق کی جائے۔انہوں نے براعظم یورپ کے لیے ایک نئی مشترکہ فوج پر زور دیا۔زیلنسکی نے کہا کہ ٹرمپ نے اشارہ دیا ہے کہ پوتین بات چیت کے لیے تیار ہیں۔ لیکن میں نے صدر ٹرمپ سے کہا نہیں پوتین جھوٹا ہے۔ وہ کوئی امن نہیں چاہتا۔زیلنسکی نے مزید کہا کہ ان کے خیال میں پوتین امریکی صدر سے تھوڑا سا خوفزدہ ہیں۔ مجھے لگتا ہے کہ یہ خوف واقعی پوتین کو امن مذاکرات کی طرف دھکیل سکتا ہے۔ زیلنسکی نے یہ بھی کہا پوتین پر بھروسہ نہ کریں۔
