اسلام آباد (این این آئی) سپیکر قومی اسمبلی راجا پرویز اشرف اور ڈپٹی سپیکر زاہد اکرم درانی نے کہا ہے کہ پارلیمان کی بالادستی اور آئین و قانون کی حکمرانی میں ملک کی ترقی کا راز پوشیدہ ہے، ملک کو درپیش مسائل کو حل کرنے اور ترقی کی راہ پر گامزن کرنے میں پارلیمان کا کردار کلیدی اہمیت کا حامل ہے ۔ پاکستان کی دستور ساز اسمبلی کی ڈائمنڈ جوبلی کے موقع پر اپنے علیحدہ علیحدہ پیغامات میں اسپیکر نے کہا کہ پارلیمانی نظام کے تسلسل اور جمہوریت کی مظبوطی ملکی بقا اور سلامتی کیلئے ضروری ہے۔ انہوں نے کہا کہ پارلیمان کی بالادستی آئین و قانون کی حکمرانی کے بغیر ملکی تعمیر وترقء کا خواب شرمندہ تعبیر نہیں ہو سکتا۔ انہوں نے حکومت اور اپوزیشن کو مل کرملک میں جمہوری اقدار کے فروغ اور پارلیمانی بالادستی کیلیے کام کرنے کی ضرورت پر زور دیا۔انہوں نے کہا کہ ملک کو درپیش مسائل کو حل کرنے کے لیے پارلیمان موثر قانون سازی کے ذریعے اہم کردار کر رہی ہے ۔انہوں نے کہا کہ موثر قانون سازی عوام کو درپیش مسائل کو حل کرنے میں کے لیے ضروری ہے ۔ سپیکر نے کہا کہ پاکستان کی دستور ساز اسمبلی کے 75 سال مکمل ہونے پر قومی اسمبلی کے زیر اہتمام 10 سے 14 اگست تک ڈائمنڈ جوبلی تقریبات منائی جا رہی ہیں ۔انہوں کہا کہ ڈائمنڈ جوبلی کے سلسلے میں متعدد پروگرام ترتیب دیئے گئے ہیں جن میں موجودہ اور سابق اراکین پارلیمان، صحافی برادری اور سول سوسائٹی کے نمائندے شرکت کرینگے۔ انہوں نے کہا کہ ان تقریبات کو منعقد کرنے کا مقصد عوام میں پارلیمان کی اہمیت کو اجاگر کرنا اور نوجوان نسل پارلیمانی تاریخ سے آگاہ کرنا ہے۔ اس موقع پر ڈپٹی سپیکر زاہد اکرم درانی نے کہا کہ پارلیمان کی مضبوطی اور ملک میں جمہوریت کا تسلسل ملک کی تعمیر و ترقی کے لیے ناگزیر ہے۔انہوں نے کہا کہ پارلیمان عوامی امنگوں کا آئینہ دار ادارہ ہے، اور پارلیمان کے ذریعے موثر قانون سازی کر کے ہم ملک ترقی کی راہ پر گامزن کر سکتے ہیں۔انہوں نے کہا کہ موجودہ پارلیمان ملک کو ترقی کی راہ پر گامزن کرنے کیلئے موثر قانون سازی پر یقین رکھتی ہے ۔
مقبول خبریں
غزہ جنگ،امریکی طلبہ کا گرمی کی چھٹیوں میں بھی احتجاج جاری رکھنے کا اعلان
واشنگٹن(این این آئی)امریکا کی اکثر جامعات میں طلبہ نے موسم گرما کی چھٹیوں میں بھی فلسطینوں کے حق میں احتجاج جاری رکھنے کا...
اگلے چند روز میں سعودی عرب کا اعلیٰ اختیاراتی وفد پاکستان آ رہا ہے،عطاء...
اسلام آباد (این این آئی) وفاقی وزیراطلاعات ونشریات عطاء اللہ تارڑ نے کہا ہے کہ اگلے چند روز میں سعودی عرب کا اعلیٰ...
وزیراعظم شہباز شریف کامتحدہ عرب امارات کے شاہی خاندان کے رکن شیخ طحنون بن...
اسلام آباد(این این آئی)وزیراعظم شہباز شریف نے متحدہ عرب امارات کے شاہی خاندان کیرکن اور ممتاز کاروباری شخصیت شیخ طحنون بن محمد النہیان...
امریکا کو پاکستان کی جانب سے اڈے دینے کے قیاس آرائیوں میں کوئی صداقت...
اسلام آباد (این این آئی)ترجمان دفتر خارجہ نے کہا ہے کہ امریکا کو پاکستان کی جانب سے اڈے دینے کے قیاس آرائیوں میں کوئی...
اپنی آئینی حدود کو بخوبی جانتے، دوسروں سے بھی پاسداری مقدم رکھنے کی توقع...
راولپنڈی (این این آئی)آرمی چیف جنرل سید عاصم منیر نے کہا ہے کہ ہم اپنی آئینی حدود کو بخوبی جانتے ہیں اور دوسروں سے...