اسلام آباد(این این آئی) پاکستان تحریک انصاف کے رہنما فواد چوہدری نے کہاہے کہ ملک کی سب سے بڑی سیاسی جماعت اور ملکی سلامتی کے ضامن ادارے کے درمیان تفریق ملک کیلئے تباہ کن ہے۔ اپنے بیان میں فواد چوہدری نے کہاکہ ملک کی سب سے بڑی سیاسی جماعت اور ملکی سلامتی کے ضامن ادارے کے درمیان تفریق ملک کیلئے تباہ کن ہے۔ انہوںنے کہاکہ پوری کوشش ہے غلط فہمیوں کا ازالہ ہو، سیاسی جماعتوں کو بھی ایک دوسرے کیخلاف حدسے آگے نہیں جانا چاہیے ۔ انہوںنے کہاکہ حالیہ واقعات سے ملک میں جمہوریت کمزور ہوئی ہے اور انسانی حقوق پامال ہو رہے ہیں۔
