ملک میں کورونا کے مزید تین سوباون مریض سامنے آگئے ،تصدیق شدہ کیسز کی مجموعی تعداد پندرہ لاکھ ساٹھ ہزار چھ سو دوتک پہنچ گئی

اسلام آباد (این این آئی)ملک میں کورونا کے مزید تین سوباون مریض سامنے آگئے ،تصدیق شدہ کیسز کی مجموعی تعداد پندرہ لاکھ ساٹھ ہزار چھ سو دوتک پہنچ گئی ،چوبیس گھنٹے میں کورونا مثبت کیسزکی شرح دو اعشاریہ چھ چار فیصد ریکارڈ کی گئی۔ ایک سو تریپن مریضوں کی حالت تشویشناک ہے ۔قومی ادارہ صحت کے کورونا سے متعلق اعدادوشمارکے مطابق گزشتہ 24گھنٹوں کے دوران 13ہزار325 ٹیسٹ کیے گئے جن میں سے مزید 352 کیسز رپورٹ ہوئے ۔گذشتہ روز ملک میں کوئی ہلاکت رپورٹ نہیں ہوئی،اسوقت ملک کے مختلف ہسپتالوں میں زیرعلاج مریضوں میں سے 153 کی حالت تشویشناک بتائی جارہی ہے ،گزشتہ روز کورونا مثبت کیسزکی شرح 2اعشاریہ 64فیصد ریکارڈ کی گئی ، پشاورمیں سب سے زیادہ 10.13 فیصد شرح رہی ،سرگودھا میں 7.69 فیصد ،اسلام آباد میں 7.67 فیصد ،صوابی میں 7.41 فیصد ،ایبٹ آباد میں 7.14 فیصد اورگجرات میں 6.25 فیصد شرح رہی ، بہاولپورمیں 5.63 فیصد،لاہورمیں4.97 فیصد ،مظفرآباد میں4.35 فیصد اور کراچی میں 1.51 فیصد شرح رہی۔