اسلام آباد این این آئی)سیکرٹری جنرل پیپلز پارٹی سید نیر بخاری نے کہاہے کہ پی ٹی آئی قومی اداروں کی تخریب پاکستانی قوم کی تقسیم اور انتشار کی سازش کر رہی ہے ۔ اپنے بیان میں سیکرٹری جنرل پیپلز پارٹی سید نیر بخاری نے قوم کو خبردار کیا کہ چیئرمین پی ٹی آئی کے کار خاص کا افواج پاکستان کو اکسانے کا بیانیہ عمران خان کی آشیرباد کے بغیر ممکن نہیں۔ انہوںنے کہاکہ افواج پاکستان کے خلاف منفی مہم چلانے والوں کو قانون کی کٹہرے میں لاکر نشان عبرت بنایا جائے ۔ انہوںنے کہاکہ قومی اداروں پر ہرزہ سرائی نامنظور اور ناقابل برداشت ہے۔انہوںنے کہاکہ قومی سلامتی اداروں کو بغاوت پر اکسانا اور ساکھ مجروع کرنا غداری کے مترادف ہے ۔ انہوںنے کہاکہ ہمارے ملک کے ہر خاندان کے افراد قومی سلامتی اداروں میں شامل ہیں ۔ انہوںنے کہاکہ عمران خان اور پی ٹی آئی والو ڈرو اس گھڑی سے جب ارض وطن کے غیور بیٹے قومی مجرمین کی چمڑی ادھیڑ کے رکھ دیں گے ۔ انہوںنے کہاکہ پیپلز پارٹی ملک و ملت دشمنوں کے مذموم مقاصد اور ناپاک عزائم۔کو عوامی قوت سے ناکام بنائے گی ۔
