اسلام آباد (این این آئی) اسلام آباد پولیس نے کہاہے کہ چیئرمین پی ٹی آئی عمران خان کی سکیورٹی کے لئے اسلام آباد کیپیٹل پولیس کے 76 سے زائد اہلکار تعینات ہیں۔ترجمان نے اپنے بیان میں کہاکہ عمران خان کے ساتھ اسلام آباد کیپیٹل پولیس کے ایس پی بطور چیف سکیورٹی افسر تعینات ہیں،بنی گالہ کی طرف کسی بھی قسم کا کوئی آپریشن تا حال نہیں ہورہا۔ترجمان نے کہاکہ عوام سے گزارش ہے کہ پراپیگنڈہ اور جھوٹی خبروں پر دھیان نہ دیں،اسلام آباد کیپیٹل پولیس قانون کے تحت تمام اقدامات کرے گی۔ترجمان نے کہاکہ اگر کسی دوسرے صوبے سے نفری کی ضرورت پڑی تو باضابطہ درخواست کی جائے گی،لوگوں سے درخواست ہے کہ اپنے اردگرد صورتحال پر نظر رکھیں۔ترجمان نے کہاکہ دہشت گردی سے لاحق خطرات سے نمٹنے کے لیے پولیس کی مدد کریں۔
