دوحہ (این این آئی)قطر نے مصر کے دارالحکومت قاہرہ میں غزہ کے مستقبل کے حوالے سے منعقدہ عرب سربراہ اجلاس کے موقعے پر مصر کی طرف سے پیش کردہ فارمولے کو خوش آئند قرار دیا ہے۔میڈیارپورٹس کے مطابق قطر کے وزیر مملکت برائے خارجہ امور محمد الخلیفی نے زور دے کر کہا کہ قاہرہ کی تجویز میں جامع خصوصیات کی حامل ہے۔انہوں نے انٹرویو دیتے ہوئے کہا کہ غزہ کا حل پورے خطے کے مفاد میں ہے اور یہ کہ غزہ کا مسئلہ سب سے پہلے فلسطین اور عربوں کا مسئلہ ہے۔انہوں نے اس بات پر بھی زور دیا کہ مسئلہ فلسطین کے مستقل حل کے لیے اصلاحات کا راستہ نکالا جانا چاہیے۔انہوں نے مزید کہاکہ ہمیں امید ہے کہ فلسطینی ایک متفقہ فیصلے تک پہنچنے کے لیے ساتھ کھڑے ہوں گے۔قطری عہدیدارنے مزید کہا کہ قطر ایک فلسطینی آواز تک پہنچنے کی کوشش میں مصر کی کوششوں کو سراہتا ہے۔انہوں نے مزید کہا کہ ہمیں خطے کے حل کے لیے ایک واضح روڈ میپ کی ضرورت ہے۔الخلیفی نے واضح کیا کہ مصر کا منصوبہ غزہ کے مستقبل کا خاکہ پیش کرتا ہے اور اس میں بہت سی تفصیلات ہیں۔انہوں نے بات جاری رکھتے ہوئے کہاکہ ہم فلسطینیوں کی جبری ھجرت کو قطعی طور پر قبول نہیں کرتے۔انہوں نے اس بات پر زور دیا کہ غزہ کی تعمیر نو کے لیے وقت اور بین الاقوامی تعاون کی ضرورت ہے۔ غزہ کا بحران جنگ بندی سے ختم نہیں ہوتا۔ غزہ میں جنگ بندی کو اہم مسائل کو حل کیے بغیر نہیں آگے نہیں بڑھایا جا سکتا۔قطری عہدیدار نے انکشاف کیا کہ تعمیر نو کے منصوبے میں حفاظتی انتظامات اور غزہ کے لیے ایک انتظامی حکومتی عمل شامل ہے۔انہوں نے مزید کہا کہ مصر کے منصوبے میں جامع خصوصیات ہیں اور ہم غزہ میں ایک روشن مستقبل کے حصول کے لیے کوشاں ہیں۔غزہ کے حوالے سے نظریات کو یکجا کرنے کے لیے امریکہ اور عرب ممالک کے ساتھ براہ راست رابطہ ہے۔انہوں نے زور دے کر کہا کہ ہم نے مصر اور امریکہ کے ساتھ مل کر غزہ میں ایک معاہدے تک پہنچنے کی بھرپور کوشش کی۔
