بیروت(این این آئی)لبنان اور اسرائیل کے درمیان زمینی سرحد کی حد بندی کے لیے امریکہ کی سرپرستی میں ہونے والی حالیہ بات چیت کے باوجود اسرائیل نے جنوبی لبنان سے دستبرداری سے انکار کرنے کے اپنے موقف کا اعادہ کیا ہے۔میڈیارپورٹس کے مطابق وزیر دفاع یسراسرائیل کاٹز نے چیف آف اسٹاف ایال ازمیر اور متعدد اعلی فوجی حکام کے ساتھ صورتحال کا جائزہ لینے کے فورا بعد اس بات کا اعادہ کیا کہ فوج لبنان کے پانچ چوکیوں پر غیر معینہ مدت تک قابض رہے گی۔غیرملکی خبررساں ادارے کے مطابق یسرائیل کاٹز نے ایک بیان میں اس بات پر بھی زور دیا کہ متنازع سرحدی مقامات پر مذاکرات سے قطع نظر شمال کے باشندوں کی حفاظت کے لیے یہ باقی رہنا ضروری ہے۔انہوں نے ان پانچ پوائنٹس پر اسرائیلی فورسز کو مزید تقویت دینے اور حزب اللہ کی خلاف ورزیوں کے خلاف طاقت اور عزم کے ساتھ کارروائی کا بھی حکم دیا۔
