اسلام آباد(این این آئی)وفاقی وزیرِ خزانہ محمد اورنگزیب نے کہا ہے کہ آئی ایم ایف سے مذاکرات میں کافی پیش رفت ہوئی ہے۔نجی ٹی وی سے بات چیت کرتے ہوئے انہوں نے کہا ہے کہ آئی ایم ایف کے پروگرام پر عمل درآمد بہت بہتر طور پر رہا، آئی ایم ایف نے اپنے بیان میں اس کو تسلیم کیا ہے۔وفاقی وزیرِ خزانہ محمد اورنگزیب نے کہا کہ اگلے ہفتے نتیجہ خیز نتائج کے لیے آئی ایم ایف سے مشاورت جاری رہے گی۔واضح رہے کہ آئی ایم ایف نے پاکستان سے متعلق اعلامیہ جاری کر دیا ہے۔
