واشنگٹن (این این آئی )امریکی صدر ڈونلڈ ٹرمپ نے اپنی کابینہ کے علاوہ کئی دوسرے قریبی افراد کو بتایا ہے کہ ارب پتی ایلون مسک جلد اپنے حکومتی کردار سے دستبردار ہو جائیں گے۔ امریکی اخبار کے مطابق ڈونلڈ ٹرمپ نے تین مختلف افراد کے ساتھ یہ بات کی ہے۔صدر ٹرمپ نے ٹیسلا اور سپیڈکس کے سربراہ کو ذمہ داری سونپی تھی کہ وہ حکومت کے لیے فنڈنگ ممکن بنوائیں اور مختلف امریکی اداروں کو حکومتی اخراجات کم کرنے کے لیے ختم کر دیں ۔ مزید یہ کہ مختلف اداروں میں حکومتی کارکنوں کی تعداد میں کمی کریں۔تاہم اب ڈونلڈ ترمپ نے کہا کہ ایلون مسک نے حالیہ دنوں میں یہ فیصلہ کر لیا ہے کہ وہ جلد حکومت کے امور سے الگ ہو کر اپنے کاروبار کی طرف پلٹ جائیں گے۔وائٹ ہائوس کے نمائندے نے کہا کہ مسک کے زیر قیادت کام کرنے والی ٹاسک فورس ابھی اپنے اہداف مکمل کرنے میں کامیاب نہیں ہو سکی ۔
