نیویارک (این این آئی )تیل پیدا کرنے والی تنظیم اوپیک پلس کے رکن ممالک نے کہا ہے کہ وہ تیل کے استعمال میں اضافے کے مطابق اپنا پیشگی منصوبہ تیار رکھے ہوئے ہیں۔ خیال رہے ماہ مئی تک روزانہ تیل کی پیداوار 411000 بیرل ہو سکتی ہے۔میڈیارپورٹس کے مطابق اوپیک کے 8 رکن ممالک ہیں جو بنیادی طور پر ان ملکوں کی تنظیم ہے جو تیل پیدا کرتے ہیں۔ اوپیک پلس میں روس کی قیادت میں شامل ممالک نے ماہ مئی میں یومیہ 135000 بیرل تیل کے اضافے کا منصوبہ بنایا تھا۔ تاکہ پیداواری کٹوتیوں کو آہستہ آہستہ ختم کیا جا سکے۔اوپیک کے جاری کردہ بیان میں کہا گیا ہے کہ میٹنگ میں تیل کے دو ماہی اضافے کے ساتھ مئی کے لیے انکریمنٹ منصوبہ بندی شامل ہے۔ جس کو مارکیٹ کے بدلتے ہوئے حالات کے تحت روکا یا تبدیل کیا جا سکتا ہے۔روس ، سعودی عرب، متحدہ عرب امارات، کویت ، عراق، الجزائر، قازقستان اور عمان نے 2.2 ملین بی پی ڈی کی حالیہ پیداوار میں کٹوتی کو آہستہ آہستہ ختم کرنے کے لیے اتفاق کیا ہے۔ یہ رواں ماہ سے نافذ العمل ہوگا۔بیان میں مزید کہا گیا ہے کہ ماہ جون کی پیداوار کے لیے 5 مئی کو اجلاس بلایا جائے گا۔ خیال رہے اوپیک پلس کے پاس مارکیٹ کو سپورٹ کرنے کے لیے سال 2026 کے آخر تک 3.65 ملین بی پی ڈی ہے۔
