واشنگٹن ڈی سی(این این آئی)وفاقی وزیر خزانہ و ریونیو سینیٹر محمد اورنگزیب نے آئی ایم ایف/ورلڈ بینک اسپرنگ میٹنگز کے موقع پر واشنگٹن ڈی سی میں ادارہ جاتی سرمایہ کاروں سے ملاقات کی۔وزیر خزانہ نے شرکاء کو پاکستان کی معاشی صورتحال، حالیہ مالی و مانیٹری پیش رفت، اور اصلاحات میں ہونے والی پیش رفت سے آگاہ کیا۔ انہوں نے پاکستان کی معیشت میں استحکام اور فچ کی جانب سے کریڈٹ ریٹنگ میں بہتری (Bـ) کا ذکر کیا۔سینیٹر اورنگزیب نے زور دیا کہ جاری ساختی اصلاحات سے سرمایہ کاروں کا اعتماد بحال ہوا ہے اور پاکستان کے بین الاقوامی مالیاتی منڈیوں تک دوبارہ رسائی کی راہ ہموار ہوئی ہے۔ملاقات کا اختتام سوال و جواب کے سیشن پر ہوا۔
