واشنگٹن (این این آئی)امریکا کے صدر ڈونلڈ ٹرمپ نے کہا ہے کہ پاکستانی عہدے داروں سے ایران کے معاملے پر بات ہوئی، فیلڈ مارشل عاصم منیر سے ایران کے معاملے پر بھی بات ہوئی ہے۔ ایران پر حملوں سے متعلق ابھی کوئی فیصلہ نہیں کیا، ہم نہیں چاہتے جوہری ہتھیار ایران کے ہاتھ آئیں۔غیرملکی خبررساں ادارے کے مطابق اوول آفس میں میڈیا سے گفتگو کرتے ہوئے انہوں نے کہا کہ ایران پر حملوں سے متعلق ابھی کوئی فیصلہ نہیں کیا، ہم نہیں چاہتے جوہری ہتھیار ایران کے ہاتھ آئیں۔ڈونلڈ ٹرمپ نے دعوی کیا کہ ایران جوہری ہتھیاروں کے حصول سے چند ہفتوں کی دوری پر تھا۔امریکی صدر نے مزید کہا کہ ایران کے ساتھ ڈیل اب بھی ہوسکتی ہے، ایران کے ساتھ مذاکرات کے دروازے بند نہیں کیے۔واضح رہے کہ امریکی صدارتی محل وائٹ ہاوس میں امریکا کے صدر ڈونلڈ ٹرمپ سے پاک فوج کے سربراہ فیلڈ مارشل عاصم منیر کی ملاقات ہوئی۔امریکی صدر ڈونلڈ ٹرمپ سے آرمی چیف فیلڈ مارشل عاصم منیر کی یہ ملاقات ظہرانے میں کیبنٹ روم میں ہوئی۔
