اسلام آباد (این این آئی)پاکستان ہاکی فیڈریشن کے صدر بریگیڈئیر ریٹائرڈ خالد سجاد کھوکھر نے کہاہے کہ پی ایچ ایف کے خلاف کوئی غیر آئینی اقدام نہ کیا جائے ،منسٹر اسپورٹس احسان مزاری اچھے انسان ہیں ،انہیں گمراہ کیا جارہا ہے ،عزت کیلئے بیٹھے ہیں عزت کیلئے لڑیں گے ۔ اپنے بیان میں انہوںنے کہاکہ پی ایچ ایف کے خلاف کوئی غیر آئینی اقدام نہ کیا جائے۔ انہوںنے کہاکہ منسٹر اسپورٹس احسان مزاری اچھے انسان ہیں لیکن انہیں گمراہ کیا جارہا ہے ۔ انہوںنے کہاکہ ڈی نوٹیفائی کرنے کا اختیار صرف نوٹیفائی کرنے والی اتھارٹی کو حاصل ہوتا ہے،عزت کیلئے بیٹھے ہیں عزت کیلئے لڑیں گے ۔ انہوںنے کہاکہ مقاصد کے حصول کیلئے پی ایس بی اورمنسٹر اسپورٹس کو گمراہ کیا جارہا ہے،یہ تاثر غلط ہے کہ میری دو ٹرم مکمل ہوگئیں۔ انہوںنے کہاکہ 2015 میں اختر رسول کے استعفیٰ کے بعد مجھے ذمہ داری دی گئی ،اس وقت کے وزیر اعظم نے مجھے پی ایچ ایف کا صدر نامزد کیا ۔انہوںنے کہاکہ 2015 سے 2018 تک فیلنگ آف ویکنسی کے تحت کام کیا ۔ انہوںنے کہاکہ اعتراض اٹھانے والے پی ایچ ایف آئیں کی شق 12 پوائنٹ 9 ٹو پڑھ لیں ، 2018 میں الیکشن جیتے جس کا پہلا ٹرم 2022 میں ختم ہوا ۔ انہوںنے کہاکہ دوسری ٹرم 2022 سے 2026 تک کی ہے ،غیرآئینی کام کرنے والوں کے خلاف قانونی حق محفوظ رکھتے ہیں۔
