کیف (این این آئی)یوکرین کے صدر ولادی میر زیلنسکی نے یوکرین پر توجہ مرکوز کرتے ہوئے اقوام متحدہ کی سلامتی کونسل کے ایک اجلاس میں اعلان کیا ہیکہ روس نے وسطی یوکرین میں ڈینیپروپٹررووسک خطے میں ریلوے اسٹیشن پر میزائل فائر کیے۔ انہوں نے سلامتی کونسل سے روس پر دبا ڈالنے اور اسے جوہری بلیک میلنگ سے روکنے کا مطالبہ کیا۔میڈیارپورٹس کے مطابق زیلنسکی نے ایک ویڈیو لنک میں مزید کہا کہ یہ ہی ہماری روز مرہ زندگی ہے۔ روس نے اقوام متحدہ کے اس اجلاس کے لئے اسی طرح تیار کیا ہے۔انہوں نے مزید کہا کہ میزائل حملوں میں جانی نقصان ہوا ہے۔ کئی شدید زخمی ہیں جس سے ہلاکتوں کی تعداد بڑھ سکتی ہے۔سلامتی کونسل نے روس پر “جوہری بلیک میلنگ” روکنے کے لیے دبا کا مطالبہ کیا اور ایٹمی ایجنسی سے بھی زبوریجیا اسٹیشن کی مستقل نگرانی کرنے کا مطالبہ کیا۔زیلنسکی کی تقریر یوکرین کی آزادی کے 31 سالہ جشن کے موقع پر سامنے آئی۔ اس کے ساتھ ساتھ یہ تقریب ایک ایسے وقت میں کی گئی جب یوکرین پر روسی حملے کو چھ ماہ مکمل ہوگئے ہیں۔انہوں نے کہا کہ 24 فروری کو روسی حملے کے بعد یوکرین دوبارہ پیدا ہوا تھا
