اسلام آباد (این این آئی)وزیر اعظم کے مشیر امور کشمیر و گلگت بلتستان قمر زمان کائرہ نے کہاہے کہ پاکستان مشکل ترین حالات سے گزر رہا ہے ،سیلاب کے باعث سندھ اور بلوچستان میں قیامت کا سماں ہے،وفاقی اور صوبائی حکومتیں سیلاب سے متاترہ علاقوں کی جلد بحالی کے لیے بھرپور کوشش کر رہی ہیں ،ہر متاثرہ خاندانِ کو 25 ہزار روپے او ر جاں بحق ہونے والوں کے لواحقین کو 10 لاکھ روپے دئیے جا رہے ہیں،نقصانات کا جائزہ لینے کے لیے جلد سروے کا آغاز کیا جا رہا ہے،سروے ٹیم میں سول اداروں کے ساتھ فوج کی ٹیم بھی شامل ہو گی، سروے کے معالات میں کسی قسم کا امتیاز نہیں برتا جائے گا ۔تقریب سے خطاب کرتے ہوئے مشیر امور کشمیر قمر زمان کائرہ نے کہاکہ پاکستان مشکل ترین حالات سے گزر رہا ہے،سیلاب کے باعث ملک کا آدھا حصہ متاثر ہوا ہے ۔انہوںنے کہاکہ وفاقی اور صوبائی حکومتوں جلد بحالی کے لیے بھرپور کوشش کر رہی ہیں ،گلگت بلتستان میں بھی سیلابی صورتحال کے باعث جانی و مالی نقصان ہوا ہے ۔انہوںنے کہاکہ سیلاب کے باعث سندھ اور بلوچستان میں قیامت کا سماں ہے،سندھ میں حد نگاہ تک پانی ہی پانی ہے ۔ مشیر امور کشمیر نے کہاکہ وزیراعظم پاکستان سیلاب سے ہونے والے نقصانات کا جائزہ لینے کے لیے گلگت بلتستان کا دورہ کر رہے ہیں،ہر متاثرہ خاندانِ کو 25 ہزار روپے دیے جا رہے ہیں،فوت ہونے والوں کے لواحقین کو 10 لاکھ روپے دیے جا رہے ہیں۔ مشیر امور کشمیر نے کہاکہ نقصانات کا جائزہ لینے کے لیے جلد سروے کا آغاز کیا جا رہا ہے،سروے ٹیم میں سول اداروں کے ساتھ فوج کی ٹیم بھی شامل ہو گی ۔ انہوںنے کہاکہ سروے کے معاملات میں کسی قسم کا امتیاز نہیں برتا جائے گا ۔ انہوںنے کہاکہ ارادہ ہے کہ سب سے پہلے سروے گلگت بلتستان اور خیبر پختونخوا کا کیا جائے
