لاہور( این این آئی)سابق وزیر داخلہ شیخ رشید احمد نے کہا ہے کہ ملک شدید سیاسی اور اعصابی تنائوکا شکار اور بند گلی میں داخل ہو گیا ہے، پی ڈی ایم نے جو گڑھا عمران خان کے لیے کھودا تھا اس میں خود گر گئی ہے،ڈالر232روپے کا،سیلاب،غذائی قحط اوروبائی امراض سر پر ہیں۔ٹوئٹر پر جاری اپنے بیان میں انہوں نے کہا کہ چوروں نے صرف اپنے کیس ختم کرانے تھے،یہ سکیورٹی میں فوٹو کھنچا سکتے ہیں،عوام میں نہیں جا سکتے،کروڑ نوجوانوں کی جیب میں موبائل فون ہے،حکمرانوں کاغلط فیصلہ عوام کے غیض وغضب میں بدل سکتا ہے۔عمران خان کی مقبولیت کے طوفان کوقید کرنا یا نااہل کرنا مہنگا پڑسکتا ہے،اقتدار کے بھوکوں کے جمعہ بازارکی الیکشن میں تاخیران کو لے ڈوبے گی ۔
