راولپنڈی(این این آئی) پاک فوج کے سربراہ جنرل قمر جاوید باجوہ نے کہا ہے کہ شہدا کی قربانیوں کی بدولت پرچم سربلند ہے۔یوم دفاع کے موقع پر جاری اپنے بیان میں آرمی چیف جنرل قمر جاوید باجودہ نے کہا کہ 6 ستمبر پاک افواج کے اس غیر متزلزل عزم کی علامت ہے جسے تمام مشکلات سے مادر وطن کی حفاظت کیلئے عظیم قوم کی حمایت حاصل ہے۔آئی ایس پی آر کی جانب سماجی رابطے کی ویب سائٹ ٹوئٹر پر جاری بیان میں آرمی چیف نے کہا کہ قوم اپنے ہیروز کو سلام پیش کرتی ہے۔ڈی جی آئی ایس پی آر کی جانب سے کیے گئے ٹوئٹ کے مطابق آرمی چیف جنرل قمر جاوید باجوہ نے 6 ستمبر یوم دفاع پاکستان سے متعلق اپنے خصوصی پیغام میں کہا شہدا کی بے مثال قربانیوں کی بدولت ہی ہمارا پرچم سربلند ہے۔
