اسلام آباد(این این آئی)وزیر اعظم شہباز شریف نے نومنتخب برطانوی ہم منصب لز ٹرس کو وزارت عظمی کا منصب سنبھالنے پر مبارک باد دی ہے۔وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ مں لکھا کہ لز ٹرس کو برطانیہ کی وزیر اعظم بننے پر مبارک باد پیش کرتا ہوں۔وزیر اعظم نے کہاکہ برطانیہ ہمارے سب سے بڑے تجارتی اور ترقیاتی شراکت داروں میں سے ایک ہے، تاریخی تعلقات کو مزید فروغ دینے کیلئے ساتھ کام کرنے کے خواہاں ہیں۔
