اسلام آباد (این این آئی)سپریم کورٹ آف پاکستان کے جج مسٹر جسٹس قاضی فائز عیسیٰ کے خلاف صدارتی ریفرنس پر نظرثانی اپیلوں پر سماعت 8 دسمبر تک ملتوی کر دی گئی ۔جسٹس عمر عطاء بندیال کی سربراہی میں 6 رکنی لارجر بینچ نے سماعت کی۔حکومت کی جانب سے وفاقی وزیر قانون فروغ نسیم اور ایڈیشنل اٹارنی جنرل عامر رحمان پیش ہوئے ہوئے ۔عدالت نے کہاکہ سماعت منیر ملک کی درخواست پر ملتوی کر رہے ہیں، عدالت نے کہاکہ تمام درخواست گزار آئندہ سماعت سے تحریری معروضات جمع کرا دیں ۔ دور ان سماعت قاضی فائز عیسیٰ کی اہلیہ سرینہ عیسیٰ بھی عدالت میں پیش ہوئیں اور کہاکہ میری لارجر بینچ تشکیل دینے کی درخواست پر سماعت کی جائے۔ جسٹس عمر عطاء بندیا ل نے کہاکہ آپ کی درخواست پر سماعت بعد میں کریں گے
