اسلام آباد (این این آئی)چیئرمین سینیٹ محمد صادق سنجرانی سے سعودی عرب کے سفیر نواف بن سعید المالکی نے پارلیمنٹ ہاؤ س میں ملاقات کی جس میں چیئرمین سینیٹ نیخادم حرمین شرفین کی جانب سے پاکستان میں حالیہ بارشوں اور سیلاب سے پیدا ہونے والی صورتحال پر یکجہتی کے اظہار اور بھر پور مدد کرنے پر اظہار تشکر کیا ۔ چیئر مین سینٹ نے کہاکہ خادم حرمین شریف نے ہر مشکل وقت میں پاکستان کی مدد کی، خادم حرمین شرفین کے دلوں میں پاکستان کیلئے بے پناہ محبت اور احترام کا جذبہ موجود ہے۔ سعودی سفیر نواف بن سعید المالکی کی کاوشوں کو خراج تحسین پیش کرتا ہوں کہ انہوں نے ذاتی طور پر سیلاب سے متاثرہ علاقوں کا دورہ کیا اور متاثرین کی ڈھارس بندھائی۔ چیئرمین سینیٹ نے کہاکہ خادم حرمین شریفین نے ہمیشہ مشکل وقت میں پاکستان کی بھر پور معاونت کی ہے۔ انہوںنے کہاکہ پاکستان سعودی عرب کے مابین برادرانہ تعلقات باہمی اعتماد اور محبت کے لازوال رشتے سے جڑے ہیں۔چیئرمین سینیٹ محمد صادق سنجرانی نے کہاکہ دونوں ممالک کے تعلقات کی بنیاد مذہبی، تاریخی، ثقافتی اور سماجی مماثلتوں پرمشتمل ہے۔انہوںنے کہاکہ پاکستان میں حالیہ بارشوں اور سیلابوں کے دوران سعودی عرب کی بروقت امداد قابل تعریف ہے۔ انہوںنے کہاکہ مسلم امہ کے قائد کی حیثیت سے خادم حرمین شرفین کے کردار کو سراہتے ہیں
