کابل(این این آئی )دنیا بھر میں مشہور ویڈیو شیئر نگ ایپ ٹک ٹاک اور گیم پب جی پر افغانستان میں جلد طالبان کی جانب سے پابندی لگادی جائے گی۔غیرملکی میڈیا کے مطابق طالبان افغانستان میں اگلے تین ماہ کے دوران ٹک ٹاک اور پب جی پر پابندی لگانے کا ارادہ رکھتے ہیں۔رپورٹس کے مطابق رواں سال اپریل میں طالبان کی جانب سیاعلان کیا گیا تھا کہ ہم ٹک ٹاک اور پب جی تک لوگوں کی رسائی روکنے کا ارادہ رکھتے ہیں کیونکہ یہ دونوں ایپس نوجوانوں کو گمراہ کررہی ہیں۔غیرملکی میڈیا کے مطابق افغانستان میں حکومت نے ٹیلی کمیونیکیشن اور انٹرنیٹ فراہم کرنے والوں کو اس حوالے سے ہدایت پر عمل کرنے کا بھی کہہ دیا ہے۔ماضی میں اس حوالے سے طالبان کے ترجمان نے کہا تھا کہ نوجوانوں کو گمراہی سے روکنے کے لئیٹک ٹاک اور پب جی پر پابندی ضروری ہے۔رپورٹس کے مطابق اس سے قبل افغانستان میں 23 ملین ویب سائٹس کو بلاک کیا جاچکا ہے۔
