اسلام آباد (این این آئی)وفاقی وزیر تجارت سید نوید قمر نے کہاہے کہ پاکستان متحدہ عرب امارات کے ساتھ مختلف شعبوں میں اپنے تعلقات کو قدر کی نگاہ سے دیکھتا ہے ، پاکستان میں زراعت، صحت، ریڈی میڈ گارمنٹس اور سولر کے شعبوں میں بہت زیادہ پوٹینشل موجود ہے۔ وہ پاکستان میں متحدہ عرب امارات کے سفیر حماد عبید ابراہیم سلیم الزابی سے گفتگو کررہے تھے جنہوں نے بدھ کو یہاں ان سے ملاقات کی۔ ملاقات میں دو طرفہ تجارت کو فروغ دینے اور کارپوریٹ سیکٹر میں باہمی تعاون بڑھانے کے اقدامات پر تبادلہ خیال کیا گیا۔ اس موقع پر وفاقی وزیر نے کہا کہ متحدہ عرب امارات کے ساتھ پاکستان کے تعلقات باہمی محبت اور احترام پر مبنی ہیں۔انہوں نے کہا کہ پاکستان متحدہ عرب امارات کے ساتھ مختلف شعبوں میں اپنے تعلقات کو قدر کی نگاہ سے دیکھتا ہے کیونکہ زراعت، صحت، ریڈی میڈ گارمنٹس اور سولر کے شعبوں میں بہت زیادہ پوٹینشل موجود ہے۔سید نوید قمر نے دونوں ممالک کے درمیان تجارتی وفود کے تبادلوں کو بڑھانے پر زور دیا جس سے تجارتی اور اقتصادی تعلقات کو تقویت ملے گی۔اس موقع پر متحدہ عرب امارات کے سفیر نے کہا کہ پاکستانی تاجر برادری برسوں سے یو اے ای کی معیشت اور ترقی میں اہم کردار ادا کر رہی ہے تاہم وہ دو طرفہ جامع معاہدوں کے ذریعے انہیں مزید تقویت دینے کے خواہاں ہیں۔حکومتی پالیسیوں کو سراہتے ہوئے حج متحدہ عرب امارات کے سفیر نے کہا کہ پہلی بار یہ دیکھا جا سکتا ہے کہ موجودہ حکومت خصوصاً وزیر اعظم شہباز شریف عالمی سطح پر تعلقات استوار کرتے ہوئے کچھ کرنے کے خواہشمند ہیں۔انہوں نے سیلاب زدہ علاقوں کے لوگوں کے ساتھ گہری تشویش اور ہمدردی کا اظہار کرتے ہوئے متحدہ عرب امارات کی حکومت کی طرف سے مکمل تعاون کا یقین دلایا اور کہا کہ وہ مشکل کی اس گھڑی میں پاکستانی بھائیوں کے ساتھ ہیں۔
مقبول خبریں
بحرین کے فرماں روا نے مشرقِ وسطی پر عالمی کانفرنس بلانے کا مطالبہ کردیا
منامہ(این این آئی)بحرین میں عرب لیگ کے 33 ویں سربراہ اجلاس کے اختتام پر جاری کردہ اعلامیے میں دو ریاستی حل تک فلسطین میں...
رفح میں کسی بھی آپریشن سے قبل شہریوں کا تحفظ ناگزیر ہے،امریکہ
واشنگٹن(این این آئی)امریکی محکمہ دفاع لائیڈ آسٹن نے اسرائیلی وزیر دفاع یوآو گیلنٹ سے فون پربات کرتے ہوئے زور دیا ہے کہ رفح میں...
عالمی برادری فلسطینی بھائیوں کے خلاف وحشیانہ جارحیت بند کرائے،شہزادہ سلمان
منامہ(این این آئی)سعودی عرب کے ولی عہد اور وزیر اعظم شہزادہ محمد بن سلمان نے کہا ہے کہ مملکت فلسطینی ریاست کے قیام اور...
فرانسیسی شہری 13 ممالک سے پیدل ہوتا ہوا عمرہ کرنے پہنچ گیا
پیرس (این این آئی)فرانس کا ایک شہری 13 ممالک سے گزرتا ہوا، طویل سفر پیدل طے کرکے عمرہ ادائیگی کے لیے سعودی عرب...
لائیو اسٹاک سے انسان کو برڈ فلو لگنے کا پہلا کیس سامنے آگیا
واشنگٹن(این این آئی)لائیو اسٹاک سے انسان کو برڈ فلو لگنے کا پہلا کیس امریکہ میں سامنے آیا ہے۔ مریض ایک ڈیری فارمر ہے جسے...