لاہور( این این آئی) سابق وزیر داخلہ شیخ رشید احمد نے کہا ہے کہ مفتاح اسماعیل اور اسحاق ڈار مل کر یا لڑکر بھی معاشی حالات ٹھیک نہیں کر سکتے،گولیاں اور ڈرون عوام کا راستہ نہیں روک سکتے،اسلام آباد پر چڑھائی نہیں دادرسی کے لیے آرہے ہیں، سول آرمڈ فورسز سے اپیل ہے کہ وہ سرکاری عمارتوں تک ہی محدود رہیں۔ ٹوئٹر پر جاری اپنے بیان میں انہوںنے کہا کہ دنیا میں پیٹرول سستا اور پاکستان میں مہنگا ہو رہا ہے۔انہوںنے کہا کہ نیب قوانین میں من مانی ترامیم اپنی ذات کیلئے کی گئیں، جس دن فردجرم لگنی تھی اس دن شہبازشریف نے وزارت عظمی کاحلف اٹھایا۔انہوں نے کہا کہ نیویارک جانے والوں نے ہزاروں ڈالرروزانہ کے کمرے میں ٹھہرکرسیلاب زدگان کی امدادمانگی،جتنی شاہ خرچی امریکہ میں کی گئی اتنی مددبھی نہیں ملی۔ انہوںنے کہا کہ72 رکنی وفاقی کابینہ بارے ہائیکورٹ میں رٹ دائرکردی ہے
